Гимназия ыһыаҕа-2019

Рейтинг:   / 0
ПлохоОтлично 

2018-2019 үөрэх сылын түмүктүүр үтүө үгэс, ардахтан да толлубакка, сатабыллаах тэрийээччилэр, алгысчыт биир санааҕа кэлэн, Саха гимназиятын түһүлгэтэ кэмигэр саҕаланна.

 

Быйылгы эппиэттээх кылаастар (2а,б, 6а,б) бэрт сэргэхтик ыһыах аһыллыытын араас үҥкүүнэн, ырыанан доҕуһуоллаан киэргэттилэр. Хас биирдии кылаас төбүрүөннээн олорон сыл түмүгүн таһаарда.

 

Сүһүөхтэринэн күрэхтэр ыытылыннылар. Бүтэһигэр "Эрчимэн Бэргэн-2019 сыл" диэн 8-10 кылаас уолаттарыгар сүрдээх тыҥааһыннаах киирсии түһүлгэни олус киэргэттэ.

 

Маны таһынан "Дьиэ кэргэн" күрэҕэ элбэх дьон сэҥээриитин ылыан ылла.

 

Сайыммыт уҋгу-быйаҥ самыырыттан толлон турбакка бары сүргэбит көтөҕүллэн, айылҕалыын алтыһан, тэрийээччилэргэ махтанан тарҕастыбыт.

Дополнительная информация